اوعى الجديد !!3وياتلحق يا00000

زائر

بسم الله والصلاة والسلام على سيدنا رسول الله صلى الله عليه وسلم ... النهارده بقى ياشباب ميعادنا مع الجزء الثالث وزى ماتفقنا سلسلة حتبقى الاساس فيها كلمات ربى القران الكريم اللى زى ماغير حياة الصحابه ان شاء الله حيغير حياتنا ...اوعى بقى تقعد تنفخ ومتقراش انت عارف انا مبطولش هما كلمتين..جايبلكم النهارده تحفه فنية ولا اروع ولا ابدع من كده تبقوا روحوا بلغوا عنى بقى شرطة الاثارماهى دى اخرتها ...

شوفوا بقى الاية دى اللى كلنا عارفينها وعدت علينا كتيير بس مفكرناش فيها ...
..شوف كدة..

"
ومَاَََ كَانَ قََولَهُم إلَّّّآ ان قَالُوا رَبََََّناَ اغفِر لَنَا ذُنُوبَنَا وَ إسرَافَنَا فِى أَمرِنَا وثَبِت أَقدَامَنَا وانصُرنَا عَلَى القَومِ الكَفِرِينَ[147]فَئاتهُمُ اللهُ ثَوَابَ الدُّّّّّنيَا وَحُسنَ ثَوَابِ الأَخِرَةِ واللهُ يُحِبُّ المُحسِنِينَ [148]" سورة ال عمران

ايه ده..ايه الجمال ده!!! استنى عليا حقولك فين بس نشرح الايه وبعدين نتكلم..

ربنا الكريم بيقول على اتباع الانبياء ان هما مطلبوش من ربنا بس الاالمغفرة ،و الصبر والاعتصام بالله فى مجاهدة عدوهم ،ويسامحهم، ويثبتهم وينصرهم على من جحد بوحدانية الله ونبوة النبى..والايه دى على فكرة كانت تأنيب من ربنا للذين فروا يوم احد..بس ياسيدى بقى فاعطاهم الله خير جزاء الدنيا بالنصر،والتمكين.. وكمان خير جزاء الاخرة وهو الجنه ونعيمهاعلى ما اسلفوا من لانه يحب كل محسنا..( تفسير الطبرى)

ايه الكرم ده ياربى ايه العطاء ده ياحبيبى ..

يعنى لو الواحد منا بس طلب من ربناانه يسامحه فى الغلطات اللى كل شويه يقع فيها ويساعده انه يتخلص منها

وانه يقويه ويثبته وينصره على اللى بيتعرض لدين الله وجاهد نفسه شويه وبقى راجل كده واستحمل الاذى اللى بيواجهه عشان بقى بيحب ربنا وبيحاول يبقى كويس ...

كل الحاجات البسيطه دى اللى تتعمل يعنى مش جهاد سيف ولا جهاد مال.. كل الكرم ده ....

الدنيا حتبقى ملكك اللى حتطلبه حتلاقيه

لو حبك حيخليك لو قلت للشىء كن فيكون كله تحت امرك

بحبه مش حتتحرم من حاجه الدنيا حتجيلك ساعيه حتلاقى شغل وحتلاقى جواز وحتلاقى حب
...كرم واسع ...

لا وكمان اهم من ده كله الجنه ونعيمها .... تخيل احنا بنعبد ربنا كام سنه من عمرنا وكام ساعه فى اليوم احسب كده ...لو الكريم عاملنا بعدله يبقى يدينا على قد الوقت اللى عبدنا فيه ايه حتقدر تتكلم؟؟ده حق.. يعنى حتعبده 15 سنه مثلا اتنعم بيهم فى الجنه وبعد كده خلااااص لكن ايه...

ده الكريم ياجماعه ...اللى كرمه ماليهوش مثيل ..ابد الابدين نعيم مقيم بشوية تعب ..بشوية صبر ..ياااااا ع الكرم ياحبيبى
بحبك ياربى وحعيش عمرى ليك ..

ايه اخبار قلبك بقى؟؟؟ لسه محستش لسه معرفتش لسه الرحمات مجتش قلبك انت عارف قلبنا ده عامل زى ايه زى الموبايل لما يكون مقفول اى حد يبعتلك رساله عمرها ما حتيجى ولا تحس بيها لكن اول ما تفتحه اول ماتنفض الغبار والصدأ من عليه استقبل بقى ياسيدى رسااااايل ..نفحاااااات ..رحمااااات كرم ..كرم ..نور ...

ابوس ايدك... حبه بقى... ابوس التراب اللى بتمشى عليه... حبه بقى ...

اعرفه وروحله وقوله يارب محتاجلك كلم الناس عن كرمه معاك عن النعيم اللى مغرقك فيه ايه متعرفش؟؟ ...

ياجماعه ده البنت لما بتحب واحد بتقعد تحكى وتتحاكى فيه ويكون واحد ميسواش يعنى اللى هو التلاته منه بجنيه وتقعد تقول لصحابها على اخلاقه وكرمه وعيزه الناس كلها تشوفه ...

مابالك بقى بالمنعم الغفور الحليم يااخوانا ؟؟

اللى بيشوفك وانت بتعصيه ويسيبك..

يسيبك عشان عايزك عشان بيحبك ويستناك عشان تتوب واحنا ايه مفييييش !!!

اناعيزك تتكلم على اى نعمه انت حاسس بيها وتحبب الناس فى ربنا بيها
اى حاجه نجاح جواز شغل لبس اكل
نعمه التى لاتعد ولاتحصى اللى بنتقلب فيها ليل نهار

انا عيز اقولك على واحدة ممكن ؟؟

تخيل كده مثلا ان احنا اتخلقنا من غير العظمة بتاعة الكوع دى مثلا تخيل كده كنت حتاكل ازاى تخيل بس؟؟

اعزك الله زى الحيوانات حتنام على بطنك عشان تاكل

يا ياحبيبى ياخالقى يارازقى يامنعم على

شوف اكرمنا ازاى وكل حاجه عملهالنا عشان يخلينا مكرمين

وانت برضه لسه؟؟؟؟انت ايه بقى...

اقسم بالله العظيم يكاد قلبى يتوقف وانا اكتب ..

اسمعنى لعلها تكون الاخيره .....

اتوسل اليكم بكل حاجه حلوة حصلت معاك واستحلفكم بالله ياخوانى واخواتى اللى لسه مصر على ذنب يسيبه دلوقت ...

حالا ياجماعه اوعى تسوف احنا مش ضامنين

اللى لسه بيفكر والا اللى لسه مصاحب ولا اللى لسه بيروح اماكن وحشه... دلوقت ... دلوقت...

روحله واترمى بين ايديه وقوله متسيبنيش... انا ماليش غيرك..

قوله بحبك وعيزك ترضى عنى ...
قوله لو الناس كلها عصيتك انا حثبت وافضل اعبدك...

قوله انا مش طمعان فى الجنه ولا خايف من النار انا بحبك انت بس وبستودع نفسى عندك انا بتاعك يارب...

وحتى لو رمتنى فى النار وده حيرضيك حقول لاهل النار انى بحبك برضه..

وحقولهم على اللى انت عملته معايا وان انا اللى عملت كده فى نفسى...

والله ياجماعه انا واحد من الناس لوفضلت ادعى ربنا عمرى كله ومعطنيش مش حزعل كفايه عليا اوى اللى هو عطهولى
واسع الفضل اللطيف...

جرب تخلى حياتك كلها ليه جرب تديله عمرك كله وحبك كله يعنى مثلا وانتى بتنضفى بيتك قولى يارب انا عارفه ان انت بتحب النظافه وبعمل ده عشان ارضيك ...

وحضرتك كده وانت بتحط برفانك تقوله يارب انا بعمل ده عشان انت بتحب كده..

حاجات بسيط اوى لكن تقدر تقلب حياتنا لربنا ..

ما تخليش فى قلبك حتة غير ليه ولا مكان الا ليه
ولو حبيته حيحبك وحيسخرلك كل حاجه وحتبقى وليه.. وانت عارف طبعا اولياء الله بقى ...

"من عاد لى وليا فقد اذنته بالحرب"
ميييين اللى حياخدلك حقك ربنننا الله اللى حيحارب عشانك
مش امريكا بقى ولا روسيا ولا كوالالمبور ..انسى...

لو حبتيه حيخليكى تحبى زوجك ومتشوفيش غير حبك ليه وحيخليكى تحبى اهلك وكل الناس وانت كمان ياعم حيخلى مراتك دى عندك بالدنيا ومش حتشوف غيرها وتبقى مستعجل اوى عشان تروحلها ....

خلوا حب ربنا يملا بيوتنا وقلوبنا ياجماعه ...
انا عيز البنات اللى بتعرف ترسم تقوم دلوقت ترسم قلب كبير كده ...ايوة وتكتب فيه بحبك يارب وتعلقه على الحيطه وانت كمان عيزك تعلق ورقه مكتوب عليه بحبك يارب على عربيتك ...

خلوه شعار حياتنا ياجماعه خلوه اساس علاقتنا باى حد ....

انا اسف طولت عليكم لكن معلش لما حب ربنا يجمعنا يبقى الصعب يهون عشانه....يبقى الغالى يرخص عشان حبيبنا الكريم العظيم ..

اقسم بالله انى احبكم فى الله واتمنى ابوس التراب اللى بيمشى عليه كل واحد بيقول لا اله الا الله محمد رسول الله...عيزكم تشاركونى لو تفضلتم وتكتبولى ردكم ...وانا اهدى العمل ده خالصا لوجه الله تعالى ...واللى يحب فى الجزء 1و2 موجودين ع المنتدى يارب ياثرو فيكم ..

لاتنسونا من صالح دعائكم

» حصريا البوم عمرو دياب الجديد